CLOSE
Loading...
Загрузка...

Հաց բերողին կալանավորելու որոշում կայացրած դատավորի սկանդալային անցյալն ու եկամուտները

Հաց բերողին կալանավորելու որոշում կայացրած դատավորի սկանդալային անցյալն ու եկամուտները


Հաց բերող Արթուր Սարգսյանին փետրվարի 9-ին երկրորդ անգամ կալանավորելու որոշում կայացրած դատավոր Արթուր Մկրտչյանը Բարձրաստիճան պաշտոնատար անձանց էթիկայի հանձնաժողով է ներկայացրել իր եկամուտների մասին հայտարարագիրը:

Հիշեցնենք, որ Արթուր Սարգսյանը հացադուլ հայտարարեց փետրվարի 10-ին՝ դատավոր Արթուր Մկրտչյանի կալանավորելու մասին կայացրած որոշումից մեկ օր անց: Դատարանը բավարարել էր Հատուկ քննչական ծառայության կոռուպցիոն, կազմակերպված և պաշտոնեական հանցագործությունների քննության վարչության պետի տեղակալ, արդարադատության գնդապետ Էդիկ Հակոբյանի միջնորդությունը Արթուր Սարգսյանի խափանման միջոցը փոխելու մասին:

Ըստ հայտարարագրի, Արթուր Մկրտչյանը նախորդ տարի ունեցել է ընդամենը 1 միլիոն 500 հազար դրամ, որը հարկային տարվա վերջում դարձել է 1 միլիոն 650 հազար դրամ: Նախորդ տարի նա եկամուտ է ստացել աշխատավարձից եւ կենսաթոշակից: Աշխատավարձը կազմել է 7.4 միլիոն դրամ, իսկ կենսաթոշակը՝ 5.5 միլիոն դրամ: Ընդհանուր առմամբ, նա 13 միլիոն դրամ եկամուտ է ստացել: Դատավորի կինը՝ Իրինա Հակոբյանը, նույնպես հայտարարագրի համաձայն համեստ դրամական միջոցներ ունի: Նախորդ տարի նա ունեցել է ընդամենը 450 հազար դրամ, իսկ եկամուտը, որը գոյացել է աշխատավարձից եւ կենսաթոշակից, կազմել է 600 հազար դրամ: Երեւան քաղաքի Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանի դատավորն ու իր կինը էթիկայի հանձնաժողով չեն ներկայացրել իրենց ունեցվածքի (անշարժ կամ շարժական գույք, բաժնեմաս, փոխառություն եւ այլն) մասին որեւէ փաստաթուղթ՝ օգտվելով այս ոլորտը կարգավորող օրենսդրական բացերից: Մեզ հաջողվեց պարզել, որ Արթուր Մկրտչյանը հաշվառված է Սյունիքի մարզկենտրոն Կապան քաղաքի բնակարաններից մեկում, իսկ Իրինա Հակոբյանը՝ Երեւանի Մոսկովյան փողոցում՝ Հովհաննես Թումանյանի տուն-թանգարանի հարակից շենքում:


Արթուր Մկրտչյանի քննած աղմկոտ գործերը ժամանակին առանձնացրել էր «Հելսինկյան ասոցիացիան»:

Եւ այսպես՝ Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանի դատավորը տարիներ առաջ քնել է Կոմիտասի պողոտայում Խաչիկ Մկրտչյանին սպանելու կապակցությամբ հարուցված գործը: Սկզբում սպանության հոդվածով  մեղադրանք էր  առաջադրվել Արաբկիրի նախկին թաղապետ` Հովհաննես Շահինյանի քրոջ որդուն` Արսեն Ահարոնյանին, և այդ մեղադրանքով էլ քրեական գործն ուղարկվել էր դատարան, սակայն դատաքննության ավարտին պարզվեց, որ Հովհաննես Շահինյանի քրոջ որդու արարքը վերաորակվեց, իսկ սպանություն կատարելու համար 14 տարվա ազատազրկման դատապարտվեց Վռամ Բաղդասարյանը

Մի գործով դատաքննության ընթացքում քաղաքացի Արմեն Մարտիրոսյանը ինքնասպանության փորձ էր կատարել՝ վնասելով ձեռքն ու որովայնը: Նա իր բողոքն է արտահայտել դատարանի կողմնակալ վերաբերմունքի և խոշտանգումների մասին հայտարարությանը դատարանի կողմից անտեսելու պատճառով:

2011 թվականի փետրվարի 23-ին ձերբակալվել էր ԱԺ պատգամավոր Զարուհի Փոստանջյանի եղբայրը՝ Տիգրան Փոստանջյանը, ով աշխատում էր Արաբկիրի թաղապետարանի կոմունալ բաժնում: Համաձայն մեղադրանքի, Փոստանջյանը, հանդիսանալով հանրային ծառայող, ապօրինի շինարարությանը չխոչընդոտելու համար Հ.Ս.-ից 2010թ. սեպտեմբերին պահանջել և ստացել է 100 000 դրամ վարձատրություն: Գործը քննել է Արթուր Մկրտչյանը: Տիգրան Փոստանջյանը համաներմամբ ազատ արձակվեց՝ ընդունելով առաջադրված մեղադրանքը, քանի որ չէր ցանկանում ազատազրկվել: Բազմաթիվ իրավապաշտպաններ այս գործը որակել են քաղաքական:

2012 թվականի «Հելսինկյան ասոցիացիան» դիմել էր ԱՄՆ-ի դեսպանատուն՝ խնդրելով մուտքի արտոնագիր չտրամադրել մի շարք դատավորների, ովքեր աչքի են ընկել օրինախախտումներով ու կամայական որոշումներով: Արթուր Մկրտչյանն ընդգրկվել էր այդ դատավորների ցանկում:

Նույն դատավորը նաեւ մեղադրական դատավճիռ է կայացրել «Armenian Today» կայքի համակարգող Արգիշտի Կիվիրյանի դեմ, որը մասնակցել էր Կոմիտասի պողղոտայում ապօրինի կառուցապատման դեմ բողոքի ակցիաներին:

ՀԳ.Ստորեւ ներկայացված լուսանկարում Արթուր Սարգսյանի հայտարարություն է, որտեղ նա գրել էր, թե հացադուլից հետո իր առողջական վիճակի վատթարացման դեպքում մեղավոր ճանաչել Էդիկ Հակոբյանին եւ Արթուր Մկրտչյանին, քանի որ նրան իրենց գործունեությամբ են դրդել Արթուր Սարգսյանին հացադուլ հայտարարել:  


6 711 Դիտում


Post Views:
6 321


Նյութի աղբյուր՝ http://royalnews.ru/hac-beroghin-kalanavorelu-oroshum-kayacratc-datavori-skandalayin-ancyaln-u-ekamutnereh/

ՇՏԱՊԵՔ ԻՄԱՆԱԼ. Կրթության ոլորտում կտրուկ և մեծ փոփոխություններ են սպասվում 1+11

Մենք այսօր 12-ամյա կրթության ոլորտում մտադիր ենք կատարել բարեփոխումներ, որ երեխաները ստանան այն կրթությունը, որը պահանջում է ժամանակից կյանքը: Այս մասին, այսօր՝ Կոտայքի մարզի Եղվարդ քաղաքում ընտրողների հետ հանդիպման ժամանակ ասաց ՀՀԿ նախագահի առաջին տեղակալ, ՀՀ վարչապետ Կարեն Կարապետյանը:

«Մենք այժմ այսպիսի մի գաղափար ունենք. 12-ամյա դպրոցը դարձնել 1+11, որտեղ մեկը նախապատրաստականն է լինելու, իսկ 11 տարիների ընթացքում երեխաները սովորելու են նաեւ բիզնես, ֆինանսներ, տեղեկատվական տեխնոլոգիաներ, ռոբոտատեխնիկա: Այսինքն այն, ինչ ժամանակակից կյանքն է պահանջում: Նշանակում է՝ դպրոցն ավարտելուց հետոո մեր երեխաներն ավելի պատրաստ եւ ունակ կլինեն»,-ասաց Կարեն Կարապետյանը:

Եղվարդի դպրոցներից մեկի շրջանավարտներից մի երիտասարդ Կարեն Կարապետյանին հարցրեց, թե ի՞նչ է անում պետությունը, որ ուսման վարձերն ավելի մատչելի լինեն, եւ իրենց ծնողները կարողանան վճարել իրենց ուսման համար, ինչին վարչապետը պատասխանեց, որ իրենք այսօր արտոնություններ են տալիս այնքան, որքան կարողանում են, իհարկե կցանկանային ավելին անել, սակայն այս պահին պետության հնարավորություններն այսքան են: «Ինչպե՞ս պետք է խնդիրը լուծենք, միայն շատ աշխատելով, հարստանալով եւ տնտեսությունը զարգացնելով»,-ասաց նա:

скачать dle 11.0фильмы бесплатно

Նյութի աղբյուր՝ http://lurerhay.ru/qaxaqakanutyun/1223—111.html

Մահացել է հայկական շոուբիզնեսի ամենագեղեցիկ քույրիկների տատիկը. ԼՈՒՍԱՆԿԱՐ

Մայա Պողոսյանն իր սոցէջում լուսանկար է հրապարակել, որտեղ նա իր սիրելի Վերա տատիկի գրկում է:


(adsbygoogle = window.adsbygoogle || []).push({});

#wpai-del#

Լուսանկարում Մայան 2-3 տարեկան աղջնակ է, իսկ հրապարակումը հայտնի գեղեցկուհին արել է ի հիշատակ օրերս կյանքից հեռացած իր տատիկի և մակագրել այսպես. «Իմ Արև, իմ Լույս»

01

Նյութի աղբյուր՝ http://goodinfo.su/?p=36746

Ընտրություն, քարոզչություն, մանիպուլյացիա

Ներհայաստանյան այսօրվա քրոնիկոնը չշրջանցելով` տեսականորեն անդրադառնամ նախընտրական հնարքների և ագիտպրոպի հետ կապված մի քանի հարցերի:
Ընդհանրապես ընդունված է ասել, որ ցանկացած քաղաքական մանիպուլյացիայի հիմնական նպատակն իշխանության հասնելը, իրականացնելն ու այն հնարավոր ամեն կերպ պահպանելն է:
Իշխանություն ասվածը կարելի է դիտարկել նեղ և լայն իմաստով: Նեղ իմաստով այն վերաբերում է ղեկավար և ենթակա հարաբերություններին, որոնք կրում են կամավոր կամ հարկադրական բնույթ: Լայն իմաստով մանիպուլյացիան կապված է իշխանության` որպես գործառույթի հետ, որն ուղղված է հասարակական կարգի կայունության և համակարգի սոցիալ-մշակութային նույնականության ապահովմանը: Այս իմաստով մանիպուլյացիա իրականացնելու նպատակը հասարակության անդամների վարքի կառավարումն է, հասարակության անդամների միջև ինտեգրացիան, նրանց շահերի համաձայնեցումը:
Պետական մակարդակով իրականացվող հասարակական կարծիքի մանիպուլյացիան հիմնվում է այն բանի վրա, որ հանրային գիտակցության մեջ համակարգված «ներմուծվում» են սոցիալ-քաղաքական միֆեր, գաղափարներ, նորմեր, արժեքներ, որոնք պետք է ընդունվեն անվերապահորեն:
Հաճախ քաղաքական գործիչներն առաջ են քաշում «պրագմատիկ» կամ «հումանիստական» գաղափարներ և արժեքներ, ինչպես օրինակ՝ ազատություն, հավասարություն, արդարություն, հայրենասիրություն, խաղաղություն և այլն: Մանիպուլացումը ենթադրում է և՛ հարկադրված ազդեցության արժեքային արդարացում, և՛ հարկադրանքի ձևերի քողարկում:
Հ.գ. Տոտալիտար վարչակարգերը սեփական ժողովրդի նկատմամբ լայնորեն օգտագործում էին ահաբեկչություն և ստիպված էին լինում դրանք արդարացնել ու քողարկել:

Արմեն Հովասափյան՝ ֆեյսբուք

Նյութի աղբյուր՝ http://yelaket.am/?p=16136&l=am

Արտակարգ դեպք. Ծեծի է ենթարկվել միլիոնատեր Արմենակ Ուռումցյանի դուստրը. ՖՈՏՈ

222

222

Մոսկվայում ծեծել են Անաստասիա Ստոցկայայի, Իրինա Դուբցովայի և Լեոնիդ Ռուդենկոյի պրոդյուսեր Իզաբելա Ուռումյանցին:   Նրան տեղափոխել են հիվանդանոց գլխուղեղի ցնցումով և բազմաթիվ կապտուկներով:   Ուռումյանցի խոսքով՝ ձայնագրման ստուդիայում իր և երիտասարդի միջև կոնֆլիկտ է տեղի ունեցել, լեզվակռիվը վեճի է վերածվել, և երիտասարդն անսպասելի հարձակվել է աղջկա վրա, սկսել է հարվածել գլխին և խեղդել:

 

Նյութի աղբյուր՝ http://norutyunner.info/?p=2895

ՇԱՏ ՇՏԱպ, ինչ է կատարվում Նուբարաշենի բանտում… իրեն «լավ տղու տեղ դրած»…ԱՆՏԱՆԵԼԻ ՎԻՃԱԿ

 

 Ի պատասխան SHAMSHYAN.com կայքում զետեղված «Մինչ փաստաբանը պնդում է, որ սպանության գործով կալանավորված իր պաշտպանյալն անկարող է մենակ տեղաշարժվել, բանտում արված կադրերն այլ բան են հուշում» հրապարակման, համաձայն որի` «Մեկուսարան տեղափոխվելուց հետո նրա հարազատները, ընկերներն ու փաստաբանը սկսում են տեղեկություններ տարածել, որ Ա. Հայրապետյանը վատառողջ է. հազիվ է քայլում ու ոտքի վրա կանգնում…», ՀՀ ԱՆ քրեակատարողական վարչությունը հարկ է համարում պարզաբանել, որ «Նուբարաշեն» ՔԿՀ-ի կալանավորված անձ Արտակ Հայրապետյանը, ըստ կարգի, բժշկական զննության է ենթարկվել սեպտեմբերի 7-ին` հիմնարկ ընդունվելու օրը: Վերջինիս մարմնի վրա առկա են եղել մակերեսային վերքեր, որի կապակցությամբ նրան ցուցաբերվել է բժշկական օգնություն, և առ այսօր վերոնշյալ կալանավորված անձը առողջական խնդիրներով չի դիմել հիմնարկի բուժմասին: Ինչ վերաբերում է հրապարակման մեջ նշված այլ փաստերին, պետք է նշել, որ դրանց կապակցությամբ ՀՀ ԱՆ «Նուբարաշեն» ՔԿՀ-ի ծառայողները կատարել են չնախատեսված խուզարկություն, ինչի արդյունքում հայտնաբերել և առգրավել են մեծ թվով հեռախոսներ, լիցքավորման սարքեր, մարտկոցներ: Խցում եղած դատապարտյալների նկատմամբ նշանակվել են տույժերի տարբեր տեսակներ: Ավելի վաղ հայտնել էինք, որ սեպտեմբերի 6-ին SHAMSHYAN.com-ը տեղեկություն էր հրապարակել այն մասին, որ Երևանում՝ «Կայզեր» սուպերմարկետի մոտ 29-ամյա երիտասարդին ամերիկյան արտադրության ատրճանակով սպանած Արտակ Հայրապետյանի նկատմամբ դատարանը կիրառել է երկամսյա կալանքի որոշում, որից հետո վերջինս տեղափոխվել էր Նուբարաշենի բանտ։ Մեկուսարան տեղափոխվելուց հետո նրա հարազատները, ընկերներն ու փաստաբանը սկսել էին տեղեկություններ տարածել, որ Ա. Հայրապետյանը վատառողջ է. հազիվ է քայլում ու ոտքի վրա կանգնում և քննչական բաժինն ու դատարանն անմարդկային քայլ են կատարել նրա նկատմամբ՝ կիրառելով կալանավորումը, մինչդեռ, ըստ նրանց, հիվանդությամբ տառապող Ա. Հայրապետյանի նկատմամբ դատարանը՝ որպես խափանման միջոց, պետք է կիրառեր ստորագրություն չհեռանալու մասին։ SHAMSHYAN.com-ը ներկայացրել էր բացառիկ ֆոտոռեպորտաժ, թե ինչպիսի պայմաններում է իր կալանքը վայելում 29-ամյա երիտասարդին սպանած կասկածյալը, չնայած կային տեղեկություններ, որ սպանությունը նա չի կատարել, այլ մեկ ուրիշը, ում փոխարեն նա է կալանավորվել։ © shamshyan.com http://shamshyan.com/hy/article/2016/10/05/97534/

скачать dle 11.0фильмы бесплатно

Նյութի աղբյուր՝ http://yerevantimes.info/qaxaqakanutyun/574—.html